Мейрамбек Қартбай Азия чемпионатының қола жүлдесін жеңіп алды

Еркін күрестен 57 келі салмақта ел намысын қорғаған Мейрамбек Қартбай қола медаль иегері атанды, деп хабарлайды Sport Plus Qazaqstan.

Ұлттық олимпиадалық комитеттің хабарлауынша, Мерйамбек кіші финалда қытайлық балуанды 7:2 есебімен жеңген. 

Турнир барысында отандасымыз Өзбекстан балуанынан басым түсіп, жартылай финалда жапондық спортшыдан жеңілген еді. 

Айта кетелік, Ақтөбе күрес мектебінің түлегі Мейрамбектің бұл – құрлықтық біріншіліктегі алғашқы жүлдесі.