«Каспий» екі жартылай қорғаушымен күшейді

Ақтаулық «Каспий» клубы екі жаңа ойыншымен толықты - 32 жастағы жартылай қорғаушы Бауыржан Байтана және 24 жастағы вингер Бақдаулет Қөңлімқос, деп хабарлайды Sport+.

Бауыржан Байтана 2024 жылдың желтоқсанында «Жеңіс» клубынан кеткен болатын, онда ол Лига Кубогында тек бір ғана матч өткізді. Ол бұған дейін «Тараз», «Атырау», «Сұңқар», «Тобыл», «Қайрат», «Ақтөбе» және «Шахтер» секілді клубтардың намысын қорғаған. Сондай-ақ, Қазақстан ұлттық құрамасында да ойнаған.

Бақдаулет Қөңлімқос – ақтаулық футбол мектебінің түлегі. Өткен маусымда ол Көкшетаудың «Оқжетпес» клубында өнер көрсетті.