Юлия Путинцева Аустралиядағы турнирдің жартылай финалында

Теннистен Қазақстан құрамасының спортшысы Юлия Путинцева Аделаидада (Аустралия) өтіп жатқан ірі WTA 500 турнирінің жартылай финалына шықты.

Ширек финалда қазақстандық спортшы ресейлік Диана Шнайдерді (WTA 13) 7:6 (7:3), 6:7 (9:11), 6:4 есебімен жеңді.

Финалға шығу үшін Путинцева америкалық Джессика Пегуламен (WTA 7) кездеседі.