Ибрагимович итальяндық «Лациоға» көшті

«Баварияның» жартылай қорғаушысы Арийон Ибрагимович «Лациоға» көшті, деп хабарлайды Sport+ римдік клубтың ресми сайты.

«Бүркіттер» 19 жастағы неміс футболшысын 2025 жылдың 30 маусымына дейін сатып алу опциясыз жалға алды.

Осы маусымда «Бавария» құрамында Ибрагимович үш матч өткізді және нәтижелі әрекеттерімен көзге түскен жоқ.

Ол бұған дейін басқа итальяндық команда «Фрозинонемен» жалға алынып, аталмыш ұжым сапында 18 матч өткізіп, 2 гол соғып, 1 нәтижелі пас берді.