IBF жаңа рейтинг жариялады

Халықаралық бокс федерациясы (IBF) барлық салмақ дәрежелері бойынша боксшылардың жаңа рейтингін жариялады, деп хабарлайды Sport+

Қазақстан боксшыларының қазіргі орны төмендегідей:

Екінші орта салмақта Али Ахмедов сол қалпы 15 орында. Бұл салмақта IBF әлем чемпионы кубалық Уильям Скулл. Бірінші орын бос болса, екінші және үшінші орындарда ресейлік Владимир Шишкин мен франциялық Кристиан Мбилли. 

IBF әлем чемпионы Жәнібек Әлімханұлы өнер көрсететін орта салмақта да бірінші орында ешкім жоқ, екінші орында Этиноса Олиха (Италия) үшінші орында — Крис Юбэнк (Ұлыбритания).

Екінші жартылай жеңіл салмақта Сұлтан Заурбек жетінші сатыдан бесінші орынға көтерілді. Бұл салмақтағы әлем чемпионы — британдық Энтони Какейс, тізім басында мексикалық Эдуардо Нуньес тұрса, екінші орын бос, үздіктер үштігін жапон Масанори Рикиши түйіндеп тұр.