Футзалдан Қазақстан құрамасы УЕФА рейтингінде екінші орынға жайғасты

Еуропа футбол қауымдастықтары одағы (УЕФА) футзал құрамаларының рейтингін жариялады, деп хабарлайды Sport Plus Qazaqstan.

Қазақстан құрамасы бұл рейтингте екінші орынды иеленді. Еске сала кетейік, 2024 жылғы әлем чемпионатында Қазақстанның футзал құрамасы ширек финалда Аргентинаға (1:6) есе жіберіп, турнирді аяқтаған болатын.

2024 жылғы 5 қазан күні жарияланған УЕФА рейтингісі:
1. Португалия — 2940,953;
2. Қазақстан — 2699,121;
3. Испания — 2634,351;
4. Ресей — 2547,159;
5. Украина — 2269,716;
6. Франция — 2205,201;
7. Хорватия — 2007,949;
8. Финляндия — 1970,212;
9. Нидерланд — 1955,848;
10. Польша — 1924,072;

... 

50. Солтүстік Ирландия — 625,345.

Айта кетейік, Испания және Португалия құрамалары да Өзбекстанда өткен 2024 жылғы әлем чемпионатынан шығып қалған болатын. Үшінші орынды Украина мен Франция ертең анықтайды, ал финалда Оңтүстік Американың екі командасы — Аргентина мен Бразилия кездеседі.