Футзалдан Қазақстан құрамасының Еуро-2026 іріктеуінде қарсыластары белгілі болды

Ньонда футзалдан 2026 жылғы Еуропа чемпионатының іріктеу кезеңінің жеребесі тартылды, деп хабарлайды Sport Plus Qazaqstan ҚФФ баспасөз қызметіне сілтеме жасап. 

Жеребе нәтижесі бойынша Қазақстан құрамасы бір топта Армения, Дания және Албания командаларымен бақ сынайды. 

Литва және Латвияда өтетін Еуропа чемпионаты 2026 жылы 18 қаңтар – 8 ақпан аралығында болады. Іріктеу турнир 2024 жылдың 9 желтоқсанында басталады, яғни Өзбекстандағы Әлем чемпионатынан кейін. Іріктеу «үйде/сырт алаңда» жүйесімен өтеді.

Еуро-2026 іріктеу кезеңі:
1-2 тур | 9-18 желтоқсан 2024
3-4 тур | 27 қаңтар - 5 ақпан 2025
5-6 тур | 7-16 сәуір 2025

Еске сала кетейік, Әлем чемпионаты 14 қыркүйек - 6 қазан аралығында өтеді.