Футзалдан әлем чемпионатында ширек финал басталады
Бүгін футзалдан әлем чемпионатының ширек финал ойындары басталады. Бұл кезеңдегі ойындар 29 және 30 қыркүйекке жоспарланған.
29 қыркүйек күні Бразилия мен Марокко, Украина мен Венесуэла кездессе, 30 қыркүйекте Қазақстан мен 2016 жылғы әлем чемпионы Аргентина, Франция мен Парагвай ойнайды.
Қазақстан биыл D тобында Испаниямен 1:1 есебімен тең ойнаса, одан кейін Ливияны 4:1, Жаңа Зеландияны 10:0 есебімен тізе бүктірді.
Нәтижесінде өз тобында Испанияны алға жіберіп, екінші орын алды. Одан кейін 1/8 финалда Португалияны 2:1 есебімен жеңді.
