Футболдан бірінші лигада «Алтай» алғаш рет жеңімпаз болды

Футболдан бірінші лига командалары арасындағы Қазақстан біріншілігі сегізінші турында «Алтай» командасы алғаш рет жеңіске жетті, деп хабарлайды Sport Plus Qazaqstan.

Өскемендік клуб өз алаңында «Ақтөбе-2» командасын қабылдаған еді. Кездесу барысында олар қарсыласынан 4:1 есебімен басым түсті.

Бұл - «Алтайдың» доп додасындағы алғашқы жеңісі. Бұған дейін өскемендік клуб алты мәрте жеңіліп, бір мәрте тең түскен еді. Турнир кестесінде көш соңында тұрған олар екі сатыға жоғарылап, он төртінші орынға жайғасты. 

Сондай-ақ, 23 мамырда шымкенттік «Қыран» өз алаңында Көкшетаудың «Оқжетпесіне» 0:1 есебімен жеңілсе, жезқазғандық «Ұлытау» Алматының «Қайрат-2» командасын 3:1 есебімен тізе бүктірді. 

Енді аталған турда 24 мамырда «Жетісай» (Түркістан облысы) мен «Қайсар-2» (Қызылорда), «Tүркістан» мен «Арыс» (Түркістан облысы) командалары кездеседі.