Франция әлем чемпионатының жартылай финалына өтті

Франция құрамасы Мысыр командасын қиындықпен жеңіп, әлем чемпионатының жартылай финалына шығып, Хорватиямен кездесетін болады, деп хабарлайды Sport+.

Француздар Мысыр құрамасын минималды есеппен жеңді. Соңғы секундта шешуші голды сызықтағы ойыншы Лука Карабатич соқты. Арбитрлер видеоқайталау арқылы голды растап, есепке алды.

Матчтың қорытынды есебі – 34:33.

Француздар финалға шығу үшін бұған дейін Венгриядан басым түскен Хорватиямен бақ сынасады.

29 қаңтарда тағы екі жартылай финалдық матч өтеді: Дания Бразилиямен, ал Португалия Германиямен кездеседі.