«Формула-1» командасының атауы 2025 жылы өзгереді

Red Bull холдингінің еншілес командасы, бұрынғы атауы AlphaTauri, 2025 жылы атауын өзгертуді жоспарлап отыр, деп хабарлайды Sport+.

Келесі маусымда команда Racing Bulls атауын алуы мүмкін. Сонымен қатар, көліктердің дизайны өзгертіліп, онда холдингтің логотипі — бұқа бейнесі айқын көрініс табады деп күтілуде.

Команда Visa және Cash App сияқты негізгі демеушілерін сақтап қалады. Бұл өзгерістер команданың демеушілік және маркетингтік қызметін жеңілдетуге бағытталған.

Концерннің негізгі командасы Red Bull Racing қазіргі таңда Конструкторлар Кубогының иегері болып табылады, ал оның пилоты Макс Ферстаппен — әлем чемпионы.