Еуро-2026 іріктеу матчына қатысатын футзал құрамасы белгілі болды

Футзалдан Қазақстан құрамасының бас бапкері Пауло Рикардо Кака 2026 жылғы Еуропа чемпионатының Данияға қарсы іріктеу ойынының дайындығына шақыртылған аяқдопшыларды атады, деп хабарлайды Sport+

Команданың оқу-жаттығу жиыны 27 қаңтар күні Астанада басталады. Тізімге 16 ойыншы енгізілді.

Футзалдан Қазақстан құрамасы:

Қақпашылар: Лео Игита («Семей»), Нарун Сериков («Қайрат»), Рауан Сисенғалиев («Аят»);

Алаңдағы ойыншылар: Біржан Оразов, Даурен Тұрсағұлов, Жахангир Рашит, Арнольд Кнауб, Дамир Қайырбай (барлығы – «Қайрат»), Дуглас («Әл-Ула», Сауд Арабиясы), Ақжол Дарібай, Ержан Карменов, Ринат Турегазин (барлығы – «Семей»), Азат Валиуллин, Ерсұлтан Сағындықов (екеуі де – «Аят»), Лео Мендонка (РФШ, Латвия), Ильяс Бердалин («Астана»).

Естеріңізге сала кетсек, 1 ақпан күні Қазақстан құрамасы сырт алаңда Еуро-2026 іріктеу матчы аясында Даниямен кездеседі. Ойын Сённерборг қаласындағы «Броагер Спарекассе Скансен» аренасында өтеді. Басталуы Қазақстан уақытымен – 19:00.

5 ақпан күні Кака шәкірттері дәл осы ойынды өз алаңында өткізеді. Матч Жақсылық Үшкемпіров атындағы жекпе жек сарайында 19:30да басталады. Екі тур нәтижесінде Қазақстан құрамасының 4 ұпаймен турнир кестесінде көш бастап тұр.