«Ертіс» осы маусымда екінші бас бапкерімен қош айтысты
Павлодарлық «Ертіс» 48 жастағы қазақстандық маман Марат Еслямовтың команданың бас бапкері қызметінен кеткенін жариялады, деп хабарлайды Sport+.
Еслямов павлодарлық клубтан өз қалауымен кетті.
Маман осы жылдың шілде айында команданың бас бапкері болып тағайындалған еді. Оның жетекшілігімен «Ертіс» 6 матч өткізіп, 2 жеңіске жетті, бір рет тең ойнап, 3 рет жеңіліс тапты.
Марат Еслямов әр жылдары «Ақсу» командасында жемісті еңбек етіп, 2021 жылы Бірінші лиганың жеңімпазы атанды. Сондай-ақ ол «Қайсар» клубында жұмыс істеп, Бірінші лиганың күміс жүлдегері атанып, команданы Премьер-лигаға шығарды. 2023–2024 жылдары ол «Ұлытау» командасын басқарды.
