Ербол Хамитов пара биатлоннан Әлем кубогының күміс жүлдесін иеленді

Италияның Валь-ди-Фьемме қаласында өткен пара биатлоннан Әлем кубогының кезеңінде қазақстандық спортшы Ербол Хамитов отырып сырғанау санатындағы спринттік жарыста (Men’s Sprint Pursuit Sitting) 11:50.0 уақыт нәтижесімен күміс жүлдеге ие болды, деп хабарлайды Sport+

Бұл сында бірінші орынды Канада өкілі Дерек Заплотинский (11:42.3) иеленсе, қола жүлде Қытай спортшысы Лю Цзисюйге (12:11.1) бұйырды.

Айта кетейік, жарысқа Қазақстан атынан тағы бір спортшы – Сергей Усольцев қатысып, жарыс жеңімпазынан +3:11.7 уақыт айырмашылығымен аяқтады.

Біріншілік 30 қаңтарға дейін жалғасады. Одан кейін Қазақстан спортшылары 6-9 ақпан аралығында Словенияның Поклюка қаласында өтетін пара биатлоннан Әлем чемпионатына және 8-11 наурыз аралығында Швецияның Торсбю қаласында өтетін Әлем кубогының финалына қатысады.

Аталған жарыстар Милан-Кортина 2026 Қысқы Паралимпиада ойындарына іріктеу кезеңдері болып табылады.