Дуглас Қазақстан құрамасы сапында 65 гол соқты

Футзалдан Қазақстан құрамасының 36 жастағы ойыншысы Дуглас Жуниор Арменияға қарсы өткен матчта (4:4) ұлттық команда сапындағы 65-ші голын соқты, деп хабарлайды Sport+.

Бразилия футболының түлегі Дуглас Жуниор да Силва Негрейрос Қазақстан құрамасы сапында алғаш рет 2015 жылдың 15 қыркүйегінде Босния және Герцеговина құрамасына қарсы Зеница қаласында өткен матчта дебют жасап, сол ойында дубль авторы атанған болатын. Армения қақпасына соғылған екінші гол оның құрама сапындағы 65-ші голы болды.

Қазіргі таңда Дуглас Қазақстан құрамасы сапында 91 матч өткізіп, 65 гол соққан. Ол – Қазақстан құрамасының тарихындағы ең үздік сұрмерген.