Дави Мендонса: Бұл маусым біз үшін керемет болды

МФК «Семей» командасының бас бапкері Дави Мендонса Қазақстан чемпионатының 13-14 турларында «Бәйтерекке» қарсы өткен матчтардың (3:2, 4:2) қорытындысын шығарды, деп хабарлайды Sport+:

– Оралда екі жеңіске жеткенімізге өте қуаныштымыз. Біз бес ойынды сырт алаңда өткіздік, уақытымыз аз болды. Ойыншыларымды құттықтағым келеді. Мен өте қатал бапкермін, олардан үнемі талап етемін, себебі олардың одан да жақсы ойнай алатынын білемін. Мұндағы паркет стандартқа сай емес және қарсылас өте мықты. Бұл біз үшін маңызды жеңістер. Қазір сәл демаламыз. Бұл біз үшін керемет, сиқырлы жыл болды. Қазақстан чемпионы атанып, Еуропаның үздік 16 командасының қатарына кірдік. Бізде үлкен армандар бар. Жеңістерге уәде бермейміз, бірақ жанқиярлық пен күреске уәде береміз. Бұл – менің ойыншыларымның рухы мен еңбегі.