Дәстүрлі қысқы теннистен BAQ Open by Beeline Janymda турнирінің жеңімпаздары анықталды

Тәуелсіздік күні қарсаңында Астанадағы Ұлттық теннис орталығында Қазақстан теннис федерациясы мен Beeline Kazakhstan компаниясының қолдауымен БАҚ өкілдері арасында BAQ Open by Beeline Janymda турнирі өтті, деп хабарлайды Sport+.

Астана, Алматы және Тараздан келген медиа-ресурс өкілдері топтық кезең мен плей-офф жарыстарында бақ сынасып, «Мастерс» және «Фьючерс» категорияларында медальдар мен ынталандыру сыйлықтары үшін ойнады. Турнирге барлығы 37 қатысушы қатысты. Жүлдегерлер қатарында жаңа есімдердің болуы журналистер арасында теннистің танымалдығының артып келе жатқанын көрсетеді.

Әйелдер арасында жеңіске Айгерім Асылбаева жетті, ол қазірге дейін BAQ Open турнирінің алты дүркін чемпионы атанды.

Ерлер арасында «қысқы чемпион» атағын Қуандық Шынасылов иеленді. Ол биыл жазда Алматыда өткен жазғы BAQ Open турнирінің де жеңімпазы болған. Финалда Куандық қатты бәсекеде Сәби Байбусиновты 6:4 есебімен жеңді.

Екінші орын алған Саби Байбусинов марапаттау рәсімінен кейін өз әсерімен бөлісті:

«Қазақстан теннис федерациясына осындай тамаша турнирді ұйымдастырғаны үшін алғысымды білдіремін. Барлығы өте жоғары деңгейде өтті. Жеке алғысымды негізгі серіктес — Beeline Kazakhstan компаниясына, сондай-ақ Match Ball қосымшасына білдіремін. BAQ Open қатысушылар саны жылдан-жылға өсіп келе жатқаны, БАҚ өкілдері арасындағы тенниске қызығушылық артқаны қуантады. Мұндай турнирлер журналистерді, блогерлерді және медиамамандарды біріктіріп, теннисті насихаттайды және керемет спорттық атмосфера жасайды. BAQ Open әрі қарай дамып, ел бойынша көбірек қатысушыларды жинасын деген үміттемін».

Ерлер арасында «Мастерс» категориясының жүлдегерлері:

1. Қуандық Шынасилов (Zakon.kz)
2. Сәби Байбусинов (Хабар)
3. Павел Цыбулин (kinopoisk.kz)

«Фьючерс» категориясының жүлдегерлері:

1. Богдан Грушевский (Freedom QJ League)
2. Мәди Мұхамедқали (АО «Қазтеміртранс»)
3. Тимур Айтмуханбет («Радио Азаттык»)

Әйелдер арасында жүлдегерлер:

1. Айгерім Асылбаева (телеканал 24KZ)
2. Галина Выборнова («Комсомольская правда-Казахстан»)
3. Аяулы Ахметқазы (qazaqculture.com)

Жеңімпаздар мен жүлдегерлер кубоктар, естелік сыйлықтар және грамоталармен марапатталды.

Beeline Janymda — спорт пен желідегі сенімді мобильді қолдау.