Дамир Исмағұлов: Чимаевтың қазақтарға жылы көзқарас білдіргенін көру жағымды
Қазақстандық аралас жекпе-жек жауынгері Дамир Исмағұлов Хамзат Чимаевқа UFC-дегі кезекті жекпе-жегі алдында сәттілік тілеп, оның Қазақстанға деген ықыласын атап өтті, деп хабарлайды Sport+.
Посмотреть эту публикацию в Instagram
«Эльбрус тауларындағы жаттығу жиындарында Хамзат Чимаев менен Қазақстан жазуы бар спорттық киімін сұрап, мен оны қуана-қуана айырбастадым. Оның қазақтар мен біздің елімізге жылы көзқарас білдіргенін көру және есту жағымды. Жеңіс тілеймін, жауынгер», — деп жазды Исмағұлов өзінің Instagram парақшасында.
Айта кетейік, Чимаев өзінің келесі жекпе-жегін UFC 308 турнирінде 26 қазаннан 27 қазанға қараған түні Роберт Уиттакерге қарсы өткізеді.
