Болат Өтемұратов: Бұл Australian Open Қазақстан үшін тарихи болды

Қазақстандықтарды тарихи жеңіспен Қазақстан теннис федерациясының президенті Болат Өтемұратов құттықтады, деп хабарлайды Sport+.

«Бұл Australian Open Қазақстан үшін тарихи турнир болды. Үш юниорды қоса алғанда, ойыншыларымыздың рекордтық өкілдігі — ұлттық теннис үшін үлкен жетістік. Елена Рыбакинаның триумфы оның әлемдік рейтингтің топ-3 қатарындағы орнын нығайтып, мансабындағы екінші „Үлкен дулыға“ титулына айналды. Біздің теннис мектебінің жоғары деңгейін жұптық сында финалға шыққан Анна Данилина, сондай-ақ Мельбурндегі юниорлар турнирінің жартылай финалына шыққан алғашқы қазақстандық Заңғар Нұрланұлы дәлелдеді.

Осындай жетістіктер жаңа буынды шабыттандырып, елдегі теннистің дамуына қуатты серпін береді деп сенемін. Барлық теннисшілерімізге жаңа жеңістер, тұрақты өсім және халықаралық аренада жарқын жетістіктер тілеймін».