Бокстан Азия чемпионатына қатысатын әйелдер құрамасы анықталды

Бокстан Қазақстан әйелдер құрамасының бапкерлік кеңесі Азия чемпионатына қатысатын боксшыларды бекітті, деп хабарлайды Sport+ Қазақстан бокс федерациясының баспасөз-қызметіне сілтеме жасай отырып.

Осылайша, құрлықтық біріншілікте ел намысын қорғайтын бұрымды боксшылар:

48 келі. Әйгерім Сәттібаева
50 келі. Алуа Балқыбекова
52 келі. Жазира Орақбаева
54 келі. Сымбат Әлиасқар
57 келі. Ұлжан Сәрсенбек
60 келі. Виктория Графеева
63 келі. Аида Әбікеева
66 келі. Милана Сафронова
70 келі. Наталья Богданова
75 келі. Диана Мағауияева
81 келі. Гүлсая Ержан
+81 келі. Елдана Талипова

Азия чемпионаты 29 қараша мен 11 желтоқсан аралығында Чианг Мэйде (Таиланд) өтеді. Қазіргі уақытта Елдос Сайдалин жетекшілігімен әйелдер құрамасы Алматы облысында біріншілікке дайындығын пысықтауда.