Бокстан Азия чемпионаты: Тәшкенбай мен Сабырхан финалға өтті

Чианг Мэйде (Таиланд) бокстан Азия чемпионатында ерлер арасындағы жартылай финалдық жекпе жектер басталды, деп хабарлайды Sport+

Қос қазақстандық боксшы финалға шығып үлгерді. Ең жеңіл салмақта Санжар Тәшкенбай жапон Казума Аратакені жеңді. Есеп - 5:0. Ақтық сын 11 желтоқсан күні өтеді. Қарсылас - Шодиоржон Меликузиев (Өзбекстан).

Сонымен қатар, 54 келіде Махмұд Сабырхан Таиланд боксшысын 5:0 есебімен жеңді. Ақтық сындағы қарсылас Шахзод Музафаров, Өзбекстан.

Бүгін тағы 8 қазақстандық спортшы ақтық сын жолдамасы үшін жұдырықтасады.