Бірінші орынға мүмкіндік. «Фортуна» - «Аякс» матчының тікелей эфирі

Фариоли жаттықтыратын «Аякс» ПСВ-ның қателіктерін пайдаланып, Эредивизиде 2 жыл ішінде алғаш рет көшбасшылықты өз қолына алуы мүмкін. Қазіргі уақытта екі клуб арасындағы айырмашылық — 3 ұпай, алайда «Аякстың» қоржынында екі ойыны бар.

«Аякс» барлық позициясын күшейтті, тек шабуылдан басқа. Португалиядан қақпашы Матеус шақырылды, қорғанысқа Испаниядан Лукас Роса қосылды, ал жартылай қорғауға Нидерланд ішкі чемпионатынан Юри Режер мен Оливер Эдвардсен алынды.

Шабуыл шебінде болса, ағылшын клубтарының назарында жүрген Брайан Бробби, сондай-ақ тәжірибелі Стивен Бергюйс пен Вут Вегхорст ойнайды.

«Фортуна» қазіргі уақытта 8-орында, бірақ тарихына көз жүгіртсек, «Аякспен» ойындары сәтсіз өтетінін көреміз. Бұл команда Амстердам клубын соңғы рет 2000 жылы 2:0 есебімен жеңген.

Одан кейін екі команда 16 рет кездесіп, барлығында дерлік «Аякс» жеңіске жеткен. Биылғы маусымда «Аякс» өз алаңында «Фортунадан» 5:0 есебімен басым түсті.

Келесі кездесу 9 ақпанда сағат 18:30–да өтеді. Матчты тікелей эфирде sportplustv.kz сайтынан көруге болады.