Қазақстандық боксшылар жастар арасындағы Азия чемпионатында бес қола медаль жеңіп алды

Таиландтың Бангкок қаласында өтіп жатқан бокстан жастар арасындағы Азия чемпионатында 19 жасқа дейінгі әйелдер арасындағы бәсекелер өз мәресіне жетті, деп хабарлайды Sport+.

Күндізгі сессия қорытындысы бойынша Қазақстан құрамасынан Аяжан Ермек (57 кг дейін) пен Құралай Егінбайқызы (80 кг дейін) финалға жолдама алды.

Ал Айым Танкибаева (51 кг дейін), Жанель Имантаева (54 кг дейін), Алина Құдайгенова (60 кг дейін), Ақбота Есімбекова (65 кг дейін) және Сабина Жақсылық (80 кг-нан жоғары) қола медаль иегері атанды.