Базарбайұлы лицензиялық турнирдің ширек финалында кубалыққа есе жіберді

Қазақстандық боксшы Мұхаммедсабыр Базарбайұлы Бангкокта (Таиланд) өткен Олимпиада-2024 лицензиялық турнирінің ширек финалында жекпе-жек өткізді, деп хабарлайды Sport Plus Qazaqstan.

63,5 килограмм салмақ дәрежесінде Базарбайұлы әлем чемпионатының күміс жүлдегері кубалық Эрисланди Альвареспен кездесті. Бірінші раундта кубалық боксшы қатты жарақат алды, бірақ соңғы гонгқа дейін бокстасып шықты. Қарсыластардың тартысты кездесуі Эрисланди Альварестің төрешілер шешімімен жеңісімен аяқталды.

Айта кетейік, Бангкоктағы іріктеу турнирінде ерлер арасында 63,5 кг салмақта бес олимпиадалық квота ойнатылады. Осылайша, ширек финалдағы жеңіліс те лицензия алу мүмкіндігінен айырмайды — осы кезеңде жеңілгендер Парижге жолдама алу үшін мини-турнирде өзара кездеседі.