Батыр Джукембаев АҚШ-тағы келесі жекпе-жегін жариялады
Қазақстандық кәсіби боксшы Батыр Джукембаев (22-1, 16 КО) келесі жекпе-жегін жариялады, деп хабарлайды Sport Plus Qazaqstan.
Джукембаев әлеуметтік желінде украиндық Иван Редкачпен (24-6-1, 19 КО) болатын алдағы жекпе-жегінің афишасын жариялады. Бұл кездесу АҚШ-тың Флорида штатындағы Плант-Сити қаласында өтетін бокс кешінің аясында өтеді. Бірінші жартылай орта салмақтағы кездесу он раундқа есептелген.
Work Time!!! May 22nd 🥊@BomacBrian @ProBox_TV #Batyr777 pic.twitter.com/mDUtxKyRoe
— Batyr Jukembayev (@Batyr777Boxing) May 7, 2024
«Жұмыс уақыты! 22 мамыр», — деп жазды Джукембаев.
Қазақстандық боксшының соңғы мәрте өткізген жекпе-жегі де Плант-Сити қаласында 13 желтоқсанда болған, онда Батыр француз Мохамед Мимунды (23-6, 4 КО) төрешілердің шешімімен жеңіп, WBA Continental North Americas титулын қорғады.
