Азия чемпионаты: Асылқұлов пен Бекбауов ақтық сынға жолдама алды
Таиландтағы Азия чемпионатында тағы екі боксшымыз финалға өтті, деп хабарлайды Sport+
57 келіде Оразбек Асылқұлов бүгінгі жекпе жегінде моңғол боксшысын 5:0 есебімен жеңді. Ақтық сында ол өзбекстандық Миразизбек Мирзахалиловпен кездеседі.
67 келіде Дулат Бекбауов Шухрат Саломатовпен (Тәжікстан) күш байқасып, 5:0 есебімен жеңіске жетті. Ақтық сындағы қарсылас қазір Таиланд-Өзбекстан жекпе жегінде анықталады.
Тағы алты боксшымыз бүгін шаршы алаңға шығады.
