Азат Мақсұм Джонсонмен жекпе-жек туралы: Сегіз бұрыштың есігі жабылғанда мен оның нокаутқа түсіремін деген ойын толық өзгертемін
Қазақстандық файтер Азат Мақсұм UFC Fight night 235 аясында 4-ақпанда өтетін Чарльз Джонсонға қарсы жекпе-жек алдында Sport Plus Qazaqstan сайтына берген сұқбатында өзінің дайындығы туралы айтып берді, американдықтың үндеуіне жауап қайтарды және Асу Алмабаевтың жекпе-жегіне болжам берді.
- Азат, кезекті жекпе-жекке дайындық қалай өтіп жатыр? Жарақат болмады ма?
- Жекпе-жекке дайындық өте жақсы деңгейде, ойдағыдай өтуде, қатты жарақаттар болған жоқ.
- Өткен жекпе-жектің алдында сізге Қайрат Ахметов көмектесті. Бұл жауынгерді сәттілік үшін лагерьге қайта шақыру ойда болды ма?
- Негізі Қайрат Ахметов ағамыз алдыңғы жекпе-жекте өте мықты көмек көрсеткен, UFC-ғы алғашқы бойға 5 айға жуық сол кісінің жанында дайындалдым. Осы лагерьде де қасымда болғанын қаладым, бірақ Қайрат Ахметовтың осы айларда жеке жоспарлары бар екен, сондықтан бірге дайындалуға мүмкіндік болмады. Бірақ алдағы жекпе-жектерде дайындалуға сол кісі көмектессе жақсы болар еді.
- Қайраттың орнына сіздің бұрышыңызда кім болады?
- Қайрат Ахметовтың орнына менің бұрышымда біздің команданың бапкеру Қанат Рахимов ағай болады.
- Сіз Таиландта дайындықтан өттіңіз, содан кейін оны Алматыда жалғастырдыңыз. Мықты жауынгерлермен спарринг өткізуге мүмкіндік болды ма? Мүмкін UFC файтерлерімен жұмыс жасауға мүмкіндік болған шығар?
- Осы жолы UFC жауынгерлерімен сбор өткізуге мүмкіндік болмады, бірақ олардың деңгейінен кем емес Бекзат Алмахан, Дамир Төленов, Абай Жалал сияқты тағы басқа мықты спортшылармен дайындалдым.
Посмотреть эту публикацию в Instagram
- Чарльз Джонсон сізді нокаутқа жіберуге уәде берді, американдыққа жауап бар ма?
- Бұған дейінгі 17 қарсыласымда нокаутқа түсіремін деп ойлаған шығар, бірақ нәтижесін көріп тұрғандай әлі ешкім жібермеді. Оның сөздері маңызды емес, ең бастысы - 4-ақпан күні сегіз бұрыштың есігі жабылғанда мен оның нокаутқа түсіремін деген ойын толық өзгертемін.
- Сіздің отандасыңыз Жалғас Жұмағұлов Джонсонмен шайқасты. Жоспар жасамас бұрын Жакомен ақылдастыңыз ба?
- Жоқ, Жалғас Жұмағұлов ағамызбен ақылдаспадық, бірақ екеуінің жекпе-жегін көріп, Жако жеңді деп ойлаймын. Сол жекпе-жектен өзіме көп нәрсе алдым.
- Сізде Жұмағұловтың тағы бір бұрынғы қарсыласы Ванмен трешток болды. Ол екі апта бұрын өзінің жекпе-жегінде жеңіске жетті. Егер сіз алдағы жекпе-жекте жеңсеңіз, оны қайта жұдырықтасуға шақырғыңыз келме ме, әлде бұл шайқас туралы ұмытуға болады ма?
- Біз екеуміз міндетті түрде әлі кездесеміз деп ойлаймын. Бірақ әр бой сайын оны шақыра берудің мәнісі жоқ секілді. UFC-ға қызық болса, Ванмен жұдырықтасуға мен қарсы емеспін.
- Жалпы алғанда жекпе-жектен кейінгі сұхбатта не айтуға боларын ойлап көрдіңіз бе? Егер жеңіп жатсаңыз, басқа біреуді жұдырықтасуға шақыруға дайынсыз ба?
- Бұйыртса ТОП-15 файтерлермен жұдырықтасқым келеді, мүмкін солардың біреуін шақыратын шығармын.
- Сіздерден басқа UFC-де Асу Алмабаевтың Сиджей Вергарамен жекпе-жегі бар. Сіз өзіңіздің дивизионыңызды бақылап отырсыз ба және Acу жекпе-жегіне болжам жасайсыз ба?
- Иә, жалпы өз дивизионым ғана емес, басқа жекпе-жектердіде қалдырмай көруге тырысамын. Асу бауырымның келер жекпе-жегі жайында айтатын болсам, оның грепплингі өте жоғарғы деңгейді, осы артықшылығын пайдаланып, мерзімінен бұрын қылқындыру немесе ауырту әдісімен жеңеді деп ойлаймын.
