ATP 250 Almaty Open басталуына екі күн ғана қалды

Алматы ATP 250 Almaty Open турнирінің басталуына небәрі 48 сағат қалды — жақын арада Алматы дүниежүзілік теннис орталығына айналады. Жоғары мәртебелі жарыс Almaty Arena аренасында өтеді, деп хабарлайды Sport+.

Турнирдің қатысушылар тізімін әлемнің 10-ракеткасы және өткен жылдың чемпионы Карен Хачанов бастайды. Сондай-ақ жарысқа Даниил Медведев, Флавио Коболли, Лучано Дардери, Алекс Михельсен қатысады. Қазақстанның оңтүстігіндегі теннис додасында мына спортшылар да өнер көрсетеді: Александр Шевченко, Брендон Накашима, Габриэль Диалло, Корентин Муте, Фабиан Марожан, Хамад Медьедович, Бу Янчаокете, Адам Уолтон, Ласло Джере, Джордан Томпсон, Артюр Казо, Лука Нарди, Александр Вукич және Тристан Скулкейт.

Қазақстан намысын Шевченкодан бөлек мына теннисшілер қорғайды: Бейбіт Жұқаев, Әмір Омарханов, Денис Евсеев, Тимофей Скатов және Михаил Кукушкин.

ATP 250 Almaty Open турнирі кезінде көрермендерді әлемдік деңгейдегі теннистен бөлек түрлі белсенділіктер мен жәрмеңкелер өтетін фестиваль аймағы, сонымен қатар қазақстандық эстрада жұлдыздарының қатысуымен өтетін концерттік бағдарлама күтеді. Сахнада өнер көрсететін әртістер: Димаш Құдайберген, Ninety One, Қайрат Нұртас, Alem, Мирас Жүгіңүсов, Ильхан, M·Di.

Жарыс 11–19 қазан аралығында Almaty Arena-да өтеді. Негізгі кезеңде 28 спортшы өнер көрсетеді: 18-і рейтинг бойынша өтсе, үшеуі wild card иеленеді, тағы үшеуі — special exempt арқылы қатысады, ал төртеуі іріктеу кезеңінен өтеді.

Билеттер әлі де сатылымда — ең жақсы орындарды алып үлгеріңіз!

Теннис матчтарын тікелей эфирде Sport+ телеарнасынан тамашалауға болады.

Beeline Janymda — спортта да, желіде де тұрақты мобильді қолдау.