«Ақтөбе» бас бапкері Игорь Леонов «Қайраттан» жеңілу себептерін атады

«Ақтөбе» бас бапкері Игорь Леонов Қазақстан Суперкубогында «Қайратқа» қарсы өткен матчқа (0:2) қатысты пікір білдірді, деп хабарлайды Sport+ KazFootball.kz сайтына сілтеме жасап.  

— Бүгін жеңіске жетуді жоспарлағанбыз, бірақ қорғаныстағы өрескел қателіктер екі голға әкелді. Дегенмен жігіттер жақсы ойнады, қолдан келгенін көрсетті. Жұмысымызды жалғастырамыз.  

— Тапалов алаңнан қуылғаннан кейін неге шабуылды күшейтпедіңіздер?  

— Біз шабуылдағымыз келді, бірақ «Қайрат» қапталдағы зоналарды да, алаңның ортасын да жауып тастады. Шабуылымыз жүрмей қойды.  

— Қайыровты екінші таймда ауыстырдыңыз. Себебі неде? Ал екінші голға кінәлі Рабиу неге алаңда қалды?  

— Рабиу жақсы ойнады. Иә, ол қателесті, бірақ бұл матчтың соңында болды. Ол жақында ғана келді, қазір жақсы формада. Ал Қайыровтың аздап жарақаты бар еді, оны үзілісте-ақ алмастырғым келген.  

— Бүгін команда алғаш рет осындай құрамда ойнады. Мұны жеңілістің себептерінің бірі деуге бола ма?  

— Тікелей себеп деуге келмейді, бірақ команда алғаш рет осылай ойнады, кейбір жігіттер енді ғана қосылды.