Англияда маусымның ашылуы. «Кристал Пэлас» – «Ливерпуль» Суперкубогының тікелей эфирі

Дәстүр бойынша Англияда маусым ел Суперкубогы матчымен ашылады. Бұл жолы қазіргі чемпион «Ливерпуль» Кубок иегері «Кристал Пэлас» командасымен кездеседі.

Арне Слот жаттықтыратын «Ливерпуль» құрамды нықтап, бірақ Александр-Арнольд, Луис Диас пен Дарвин Нуньесті жоғалтты. Олардың орнына Флориан Вирц, Джереми Фримпонг, Уго Экитике және Милош Керкез келді.

«Кристал Пэлас» үшін трансферлік терезе біршама қарапайым өтті — бас бапкер Оливер Гласнер тек Борна Соса мен Вальтер Бенитесті қатарға қосты.

Қызығы, бұл екі команда өткен маусымды өзара матчпен аяқтаған еді — Премьер-лиганың 38-турында 1:1 есебімен тең түсті.

Жаңа маусымдағы олардың трофей жолындағы кездесуі 10 тамыз күні, сағат 19:00–де өтеді. Тікелей эфир Sport+ телеарнасында және sportplustv.kz сайтында қолжетімді болады.