Ангелина Лукас әлемдік рейтингтің топ-10 қатарына кірді

Танымал Boxrec.com сайты қазақстандық боксшы Ангелина Лукастың (9-1, 5 КО) рейтингін екінші рет жаңартты, деп хабарлайды Sport Plus Qazaqstan.

Бангкокта үнділік Мамта Сингхты (5-2, 2 КО) нокаутпен жеңгеннен кейін, BoxRec Лукасты ең жеңіл салмақтағы рейтингте 16-орыннан 11-орынға көтерді, ал 30 сәуір түні сайт қазақстандыққа тағы бір орын қосып, оны топ-10 қатарына кіргізді.

Еске сала кетейік, 25 сәуірде Ангелина Лукас WIBF және WBF нұсқалары бойынша екі дүниежүзілік чемпиондық титулды жеңіп алды. Бұған дейін ол WBC Silver, WBC International, UBO, WIBA чемпиондық белдіктерін де жеңіп алған. Жыл басынан бері қазақстандық төрт кездесу өткізіп, төртеуінде де жеңіске жетті (үшеуі де — нокаутпен).