Әлішер Ерғали: Токио Олимпиадасында төрешілер менің жеңісімді ұрлады

Еркін күрес шебері, Қазақстан чемпионы мен Азия чемпионатының жүлдегері Әлішер Ерғали Sport Plus Qazaqstan сайтына берген сұхбатында Олимпиадаға дайындығы туралы айтты.

– Әлішер, алда келе жатқан Олимпиадаға дайындық қалай өтіп жатыр?

– Олимпиадаға дайындығым өте жақсы өтіп жатыр. Жаттығу жиындарын өткізіп жатырмыз. Биыл дайындық бұрыңғыға ерекше өтіп жатыр. 

– Қазақстан чемпионатының финалында Ризабек Айтмұханмен болған жекпе-жекте жеңіске жеттін. Сол кездесу туралы айтып кетсен?

– Бәрі басқаша аяқталуы мүмкін еді. Жалпы финалға қатты дайындалдым, оған дейін Дағыстанда жаттығу жиынын өткіздім. Біріншіден 97 келі салмақта бірінші нөмерді дәлелдеу керек болды, екіншіден Париж Олимпиадасы күтіп тұрды. 

– Токио Олимпиадасын еске түсіре салайық. Ол жерден өзін жүлдеге жете алмай қалдын. Соны еске түсіріп, айтып берсен?

– Ширек финалында түркиялық балуанмен күрескен едім, бірақ ол кезде жеңіске мен жеткен болатынмын. Төрешілердің қателігімен жеңісті қарсыласқа берді. Бұл нәтиже өмірімнің қиын сәттерінің бірі болды. 

– Ризабек Айтмұханның потенциалы жайлы ойын қандай?

– Ризабек – жас, еңбекқор балуан. Одан бөлек артынан жастар еріп келе жатыр. Жалпы Қазақстанның еркін күресі қарқын дамуда.