Әйгерім Сарыбай: Парижге дейін екі жарысқа қатысамын
Фуджейрадағы лицензиялық турнирде семсерлесуден Париж жолдамасын иеленген Әйгерім Сарыбай осы жеңіс жайында айтты, деп хабарлайды Sport Plus Qazaqstan:
«Әлі сеніп тұрған жоқпын. Өте бақыттымын. Алда Сеулдегі гран-при жарысына қатысамын, одан кейін Азия чемпионатына дайындалып, құрлықтық жарыста жақсы шайқасып, содан кейін Парижге дайындаламын. Бұл жарыста ең қиыны бірінші орынға кездесу болды. Басында 7:4 есебімен ұтып келе жаттым, бірақ аз уақытта өз өзімді тыңдай алмай, қарсыласыма жол бердім. Бірақ кездесу аяқталмай тұрып жиналып, жеңдім»
Әйгерім Сарыбай 15:13 есебімен қытайлық Уинг Чуды ұтты.
