Абылайхан Жұбаназар әлем чемпионатына қатыспайды
Дзюдодан Қазақстан командасының мүшесі Абылайхан Жұбаназар Әбу-Дабидегі әлем біріншілігіне қатыспайды, деп жазады дзюдо федерациясының баспасөз қызметі хабарлады.
"Әлем чемпионатының үшінші күнінде Қазақстан құрама командасынан Эсмигүл Куюлова бақ сынайды. Абылайхан Жұбаназар денсаулық жағдайына байланысты әлем чемпионатына қатыспайды", - делінген хабарламада.
Абылайхан Жұбаназар 81 келі салмақта сынға түсіп жүр. Ол Душанбе мен Астанада өткен Grand Slam турнирлерінде қола жүлдегер атанған.
